Капэнгаген (футбольны клюб)

	Капэнгаген
Поўная назва	Football Club København
Заснаваны	1 ліпеня 1992
Горад	Капэнгаген, Данія
Стадыён	Паркен; Умяшчальнасьць: 38 065
Кіраўнік	Parken Sport & Entertainment[d]
Галоўны трэнэр	Якаб Нээструп[d];
Чэмпіянат	Супэрліга
· 2023—2024	3 месца
	Галерэя здымкаў у Вікісховішчы; fck.dk (дацк.) (анг.)

«Капэнга́ген» (па-дацку: København‎) — дацкі футбольны клюб з гораду Капэнгагену. «Капэнгаген» быў заснаваны ў 1992 годзе шляхам аб’яднаньня 15-разовага чэмпіёна краіны клюбу «Капэнгаген Больклюб» і сяміразовага чэмпіёна краіны клюбу «Больклюбэн 1903».

У сэзоне 2006—2007 гадоў клюб упершыню ў гісторыі выйшаў у групавы раўнд Лігі чэмпіёнаў. Свае хатнія гульні каманда праводзіць стадыёне «Паркен», дзе таксама свае гульні праводзіць нацыянальная зборная Даніі. З моманту свайго заснаваньня «Капэнгаген» мае жорсткае саперніцтва з клюбам «Брэнбю», які месьціца ў прадмесьці сталіцы. Іхнае суперніцтва мае назоў «Новая Фірма», і гульні паміж клюбамі прыцягваюць вялікую колькасьць заўзятараў футболу^[2].

Гісторыя

Футбольны клюб «Капэнгаген», у многіх адносінах, зьяўляецца як новым клюбам, але з багатай гісторыяй, якой маецца больш чым за сто год. Клюб зьяўляецца ўнікальным, бо ёсьць першым клюбам у Скандынавіі, які прадстаўляе адразу два клюбы: «Капэнгаген Больклюб», найстарэйшы футбольны клюб у кантынэнтальнай Эўропе, які быў заснаваны ў 1876 годзе, і клюб «Больклюб 1903», які быў заснаваны ў 1903 годзе. Два капэнгагенскія клюбы аб’ядналі свае першыя каманды 1 ліпеня 1992 году, стварыўшы такім чынам новы клюб. «Капэнгаген» выкарыстаў ліцэнзію клюбу «Больклюб 1903», каб узяць удзел у Супэрлізе, у той час як «Капэнгаген Больклюб» стаў афіцыйнай рэзэрвовай камандай клюбу. З аднаўленьнем стадыёну «Паркен», які таксама зьяўляецца хатняй арэнай зборнай Даніі, новы клюб ад самага пачатку распачаў выступы на сучасным стадыёне. «Капэнгаген» адразу нацэльваўся на высокія мэты.

У гэты час клюб кіраваўся Бэні Ёгансэнам і адразу добра пачаў свае выступы. Клюб адразу ўзяў удзел у Кубку Інтэртота, зьбіўшы ў першым матчы швайцарскі «Грасгопэр» зь лікам 2:1^[3]. У выніку капэнгагенскі клюб атрымаў перамогу ў сваёй групе й атрымаўшы права на ўдзел у Кубку УЭФА, дзе, аднак, саступіў у супрацьстаяньні з францускім «Асэрам». У сэзоне 1992—1993 гадоў «Капэнгаген» атрымаў перамогу ў айчыннам чэмпіянаце, на адзін пункт апярэдзіўшы «Одэнсэ» й на два — «Брэнбю», які ў выніку стаў трэцім^[4]. Ад сэзону 1993—1994 гадоў у клюбе было шмат чаканьняў, але сэзон пачаўся з буйной паразы ад італьянскага «Міляну» ў кваліфікацыі Лігі чэмпіёнаў. «Капэнгаген» да зімовага перапынку абсталяваўся на трэцім месцы, але ўвесну клюб дагнаў лідэра чэмпіянату клюб «Сылькеборг». У перадапошнім матчы сэзону гэтыя дзьве каманды сустрэліся паміж сабой на стадыёне «Паркен». Гульня, між тым, усталявала новы рэкорд наведвальнасьці ў 26 679 чалавек^[5]. «Капэнгаген» перамог у матчы зь лікам 4:1, тым самым клюб абышоў «Сылькеборг» на адзін пункт і ўварваўся н апершы радок, аднак у фінальнай гульні сэзону атрымаў паразу ад «Одэнсэ» зь лікам 3:2 і, у выніку, заняў толькі другое месца^[6].

Дасягненьні

Чэмпіён Даніі: 15
- 1993, 2001, 2003, 2004, 2006, 2007, 2009, 2010, 2011, 2013,
- 2016, 2017, 2019, 2022, 2023

Уладальнікі Кубка Даніі: 9
- 1995, 1997, 2004, 2009, 2012, 2015, 2016, 2017, 2023

Уладальнікі Кубка дацкай лігі: 1
- 1996

Уладальнікі Супэркубка Даніі: 3
- 1995, 2001, 2004

Склад

Актуальны на 13 верасьня 2024 году

№	Пазыцыя	Імя	Год нараджэньня
1	Бр	Натан Трот	1998
2	Аб	Кевін Дыкс	1996
4	Аб	Мунашэ Гарананга	2001
5	Аб	Габрыел Пэрэйра	2000
6	Аб	Пантэліс Хацыдыякас (ар. Кальяры)	1997
7	ПА	Віктар Клясан (капітан)	1992
8	ПА	Магнус Матсан	1999
9	Нап	Герман Анугха	1996
10	Нап	Магамэд Эльюнусі	1994
11	Нап	Юрдан Лярсан	1997
12	ПА	Люкас Лерагер	1993
13	Аб	Радрыга Ўэскас	2003
14	Нап	Андрэас Карнэліюс	1993
15	Аб	Маркас Лёпэс (ар. Фэеноорд)	1999

№	Пазыцыя	Імя	Год нараджэньня
16	Нап	Робэрт (ар. Крузэйру)	2005
17	ПА	Віктар Фрогальт	2006
19	Нап	Амін Шыяка	2006
20	Аб	Мікалай Бойлесэн	1992
21	Бр	Тэо Сандэр	2005
22	Аб	Георгі Гачалейшвілі (ар. Шахтар)	2001
24	Аб	Біргер Мэлінг	1994
27	ПА	Томас Дылэйні	1991
30	Нап	Эліяс Ашуры	1999
31	Бр	Рунар Рунарсан	1995
33	ПА	Расмус Фальк	1992
36	ПА	Вільям Клем	2004
38	ПА	Олівэр Гёер	2007
40	Нап	Руні Барджы	2005